| Ym mis Mawrth 2022, cafodd y Gyfarwyddiaeth Polisi ac Iechyd Rhyngwladol o fewn Iechyd Cyhoeddus Cymru ei hail-ddynodi yn Ganolfan Gydweithredol Sefydliad Iechyd y Byd (WHO) ar Fuddsoddi ar gyfer Iechyd a Llesiant am 4 blynedd arall. Mae Canolfan Gydweithredol Sefydliad Iechyd y Byd yn datblygu, yn casglu ac yn rhannu gwybodaeth ac offer ar y ffordd orau o fuddsoddi mewn gwella iechyd, lleihau anghydraddoldebau, a meithrin cymunedau cryfach a mwy gwydn yng Nghymru, Ewrop a’r Byd. I gael rhagor o wybodaeth am Ganolfan Gydweithredol Sefydliad Iechyd y Byd ar Fuddsoddi ar gyfer Iechyd a Llesiant (WHO CC), ewch i’n cynllun gwaith. Mae’r Gyfarwyddiaeth yn cynnwys dwy Is-adran sy’n cydweithio’n agos: Polisi Iechyd y Cyhoedd, ac Iechyd Rhyngwladol sy’n cynnwys nifer o dimau. Mae Uned Atal Trais Cymru, yr Hyb Cymorth Profiadau Niweidiol yn ystod Plentyndod (ACE) ac Uned Cydweithredu Iechyd y Cyhoedd hefyd yn cael eu lletya gan Ganolfan Gydweithredol Sefydliad Iechyd y Byd. Gan weithio gyda Chyfarwyddiaethau eraill yn Iechyd Cyhoeddus Cymru, ein rhanddeiliaid yn y byd academaidd, polisi a rhanddeiliaid eraill, rydym yn helpu i sicrhau bod dysgu lleol, cenedlaethol a rhyngwladol ar gael ar draws ein partneriaid a’n rhwydweithiau. Gwneir hyn er mwyn cynorthwyo’r gwaith o ddatblygu, defnyddio a throsi tystiolaeth, sgiliau a datrysiadau er mwyn gwireddu bywydau iach a llewyrchus i bawb, gan sicrhau na fyddwn yn gadael neb ar ôl. |
Uwch Dîm Rheoli Cyfeiriadur staff
Cyfarwyddwr Cenedlaethol Polisïau ac Iechyd Ryngwladol, Canolfan Gydweithredol Sefydliad Iechyd y Byd
Yn Ymgynghorydd mewn Iechyd Cyhoeddus, Polisi ac Iechyd Rhyngwladol/Cyfarwyddwr y Rhaglen ar gyfer Asesu’r Effaith ar Iechyd
I gael rhagor o wybodaeth am y Gyfarwyddiaeth, cysylltwch â ni:
Caerdydd
Llawr 5, Iechyd Cyhoeddus Cymru,
Rhif 2 Capital Quarter,
Stryd Tyndall,
Caerdydd
CF10 4BZ
Ffôn: +44 2920 227744
E-bost [email protected]
Gwefan: phwwhocc.co.uk
Wrecsam
Iechyd Cyhoeddus Cymru,
Tŷ Clwydian,
Parc Technoleg Wrecsam,
Wrecsam,
LL13 7YP
E-bost [email protected]
Gwefan: phwwhocc.co.uk
Rydym yn croesawu galwadau a gohebiaeth yn Gymraeg. Byddwn yn ymateb yn Gymraeg heb oedi.
